Ein Ffocws

Mae Partneriaeth Sgiliau Rhanbarthol Gogledd Cymru yn dod â chyflogwyr, darparwyr sgiliau a rhanddeiliaid lleol allweddol ynghyd i fynegi’r galw am sgiliau a’r heriau yn well ar lefel ranbarthol a lleol. Mae'r bartneriaeth yn gweithio i nodi anghenion sgiliau rhanbarthol ar hyn o bryd ac yn y dyfodol, ac yn defnyddio'r wybodaeth hon i sicrhau bod y ddarpariaeth fwyaf addas a pherthnasol ar gael ar gyfer cenedlaethau'r dyfodol!

Mae’r PSRh yn rhan o ddull ehangach Llywodraeth Cymru o ddatblygu economaidd rhanbarthol, gan gynnwys yr ymrwymiad yn y Cynllun Gweithredu Economaidd i gryfhau cynllunio strategol rhanbarthol. Mae PSRh Gogledd Cymru hefyd yn cefnogi Cynllun Twf Gogledd Cymru trwy weithio gyda phartneriaid prosiect i gwmpasu a deall gofynion sgiliau buddsoddiad y Cynllun Twf. Unwaith y bydd y sgiliau yma wedi'u nodi, mae'r wybodaeth yn cael ei chasglu a'i ddefnyddio i lobïo darparwyr a Llywodraeth Cymru am newidiadau yn y ddarpariaeth.

Ein Cynllun Sgiliau a Chyflogadwyedd Rhanbarthol

Yn 2019, gofynnodd Llywodraeth Cymru i’r Bartneriaeth gymryd golwg mwy strategol, hirdymor o’r system sgiliau yn y rhanbarth drwy gynhyrchu Cynllun Sgiliau a Chyflogaeth Rhanbarthol tair blynedd ar gyfer 2019- 2022. Nod y cynllun yw cael system sgiliau Gogledd Cymru yn gweithio’n galetach ac yn fwy blaengar i gwrdd â swyddi, nawr ac yn y dyfodol. Lansiwyd a chyhoeddwyd cynllun Partneriaeth Gogledd Cymru ym mis Tachwedd 2019, yn dilyn ymgynghoriad eang â chyflogwyr a rhan-ddeiliaid.

Blaenoriaeth 1: Adeiladu gweithlu’r dyfodol a denu doniau
Blaenoriaeth 2: Datblygu sgiliau er mwyn creu Gogledd Cymru cynhwysol
Blaenoriaeth 3: Hyrwyddo canfyddiad am yrfaoedd, llwybrau gyrfaoedd a chyfleodd prentisiaethau

Gweithgor Darparwyr Dysgu Seiliedig ar Waith - dod â darparwyr dysgu seiliedig ar waith o bob rhan o’r rhanbarth at ei gilydd i ddatblygu atebion ar y cyd i gwrdd â heriau darpariaeth a materion sy’n codi

Gweithgor Cyflogadwyedd - yn dod â darparwyr rhaglenni cyflogadwyedd sy’n gweithio ar draws y rhanbarth at ei gilydd i sicrhau dull cyd-gysylltiedig yn ogystal â rhannu arfer gorau

Is-grŵp Clwstwr Cyflogwyr Adeiladu - Nod yr is-grŵp yw datblygu dull cydweithredol, cydgysylltiedig ac wedi’i dargedu o ymdrin â heriau sgiliau adeiladu fel bod gan y rhanbarth weledigaeth glir a set o flaenoriaethau.

Is-grŵp Clwstwr Cyflogwyr Sgiliau Digidol - Nod yr is-grŵp yw datblygu dull cydweithredol, cydgysylltiedig ac wedi’i dargedu o ymdrin â heriau sgiliau digidol fel bod gan y rhanbarth weledigaeth glir a set o flaenoriaethau.

Is-grŵp Clwstwr Cyflogwyr Sector Gyhoeddus - Nod yr is-grŵp yw datblygu dull cydweithredol, cydgysylltiedig ac wedi’i dargedu o ymdrin â heriau sgiliau y sector gyhoeddus fel bod gan y rhanbarth weledigaeth glir a set o flaenoriaethau.